Irutxuloko Hitza

Leosiñetako aparkalekua, urte bukaerarako

Altza

Kalea itxuraldatzeko lanak eman dizkio Udalak enpresa bati 468.000 euroren truke.

Erredakzioa

Leosiñeta Larratxo eta Altza kasko arteko joan etorriak egiteko bideetako bat da. Udalak lanak egingo ditu kale horretan. Aparkalekuak egingo ditu lur gainean eta espaloietako bat nabarmen handituko dute.

Udal Gobernuak otsailean erabaki zuen lanok egieta eta obrak aurrera eramateko enpresa aukeratu berri du. 468.000 euroren truke egingo dituzte lanak, lau hilabetean. Ezarritako epeak betetzen ez badira, egun bakoitzeko 150 euro ordaindu beharko dizkio enpresak Udalari.

Autoak, linean

Kale horretan ohikoa da autoak espaloiaren gainean ikustea, eta horren ondorioz oinezkoak behin baino gehiagotan kexu azaldu dira. Obrak egin eta gero, kale horretan aparkalekuak izango dira ¬autoak linean utzi ahal izango dira¬ eta espaloietako bat orain baino zabalagoa izango da. Barandak, zaborontziak eta farolak ere berritu egingo dituzte. Ohiko farolak jarri beharrean, hormatik zintzilik jarriko dituzte, oinezkoei enbarazu ez egiteko.